Қошемет төрінде Қаражанбас кеншілері!

Қошемет төрінде Қаражанбас кеншілері!
15.09.2016
291
Қызметкерлер

Қошемет төрінде Қаражанбас кеншілері!

Қазақстан Республикасы Мұнай-газ кешені қызметкерлері күніне орай, мұнай өндіру кәсіпорындарының еңбек ұжымдарын құттықтау сапары аясында Бас директор Қ.Есқазиев бастаған «ҚазМұнайГаз» БӨ» АҚ басшылығы 1 қыркүйек күні Қаражанбас кен орнында болды.

– Мұнай-газ кешені – ел экономикасының тірек-күші, саланың дамуына мұнайшылардың, соның ішінде, «Қаражанбас» Компаниялар тобы жұмыскерлерінің қосқан үлесі өлшеусіз. Биыл бәріміз қаржылық дағдарыс пен мұнай бағасының төмендеуіне байланысты қолайсыз жағдайда жұмыс жасаудамыз. Бұл тек мұнай-газ саласы емес, сонымен бірге тұтас ел экономикасы үшін күрделі кезең болды. Дағдарыс «ҚМГ» БӨ» Компаниялар тобының беріктігі мен тұрақтылығын, сондай-ақ қытайлық әріптесіміз – CITIC компаниясымен арадағы стратегиялық қарым-қатынасымызды да сынға салды. Қаржылық қиыншылықтарға қарамастан, «Қаражанбасмұнай» Компаниясы мен еншілес сервистік мекемелер сыннан сүрінбеді. Бұны, ең алдымен, жұмыскерлердің адал еңбегінің арқасы деп білемін», – деп атап өтті салтанатты жиналыста сөйлеген сөзінде Құрманғазы Есқазиев.

Сондай-ақ «ҚМГ» БӨ» Компаниясының басшысы еңбек озаттарына ҚР Энергетика министрлігі, «Самұрық-Қазына» АҚ, «KAZENERGY» Қауымдастығы, «ҚазМұнайГаз» ҰК» АҚ және «ҚазМұнайГаз» БӨ» АҚ атынан салалық марапаттар (төсбелгілер, Құрмет грамоталары, Алғыс хаттар) тапсырды. Мұнайшылар алдында танымал қазақстандық орындаушылар: Айгүл Қосанова, күйші Алмас Жарасқан өнер көрсетіп, Ақылбек Жеменей көпшілік назарына «ҚМГ» БӨ» АҚ бастамасымен жазылған «Мұнайшыларға алғыс» деп аталатын жаңа әнін ұсынды.

”ҚазМұнайГаз” БӨ“ АҚ ресми сайты және еншілес компаниялары

верх